15:21 Ҡоштар - ҡанатлы дуҫтар | |
| 1 апрель – бөтә донъя ҡоштар көнө. Орнитологтарҙың иҫәпләүе буйынса, Ер йөҙөндә 8600–ҙән ашыу ҡош төрө бар. Шуларҙың 300-ләбе Башҡортостанда осрай. Ә иң күп төрө - күсмә ҡоштар яҙ етеү менән тыуған яҡтарына ашыға. Юлда күпме ауырлыҡтар кисерә улар: бурандарға, ҡойма ямғырҙарға эләгеп, хәлдән таялар. Ҡоштарҙың иң көслөләре беренсе булып килеп етәләр. Сыйырсыҡ,сыйырсыҡ, Ояңдан осоп сыҡ! Оҡшаһа был өйөң Түгелһен моң-көйөң! Эйе, сыйырсыҡтар кешеләргә тик файҙа ғына килтерә. Мәҫәлән, 1 пар сыйырсыҡ, балаларын осороп ебәргәнсе, 8 меңләп зарарлы ҡорттарҙы ҡыра! Ҡоштар-тәбиғәттең ғәжәпләндергес бер бүләге, үҙҙәренең төрлө тауыштары менән тирә-йүнде йәнләндерә, тормошто биҙәй. “Уралҡай” балалар баҡсаһының ”Бал ҡорттары” төркөмөндә ҡоштар тураһында йәнле һөйләшеү булды: күренекле яҙыусыларҙың яҙ миҙгеле, ҡоштар хаҡында шиғырҙарын ихлас тыңланылар, йомаҡтарға яуап эҙләнеләр һәм ҡанатлы дуҫтарыбыҙҙы яратырға, ояларын туҙҙырмаҫҡа һүҙ бирҙеләр.  Рамзия Зайнуллина, зав.отделом башкирской и краеведческой литературы | |
|
| |
| Всего комментариев: 0 | |
